NM í karate 11.apríl

Norðurlandameistaramótið í karate mun fara fram í Laugardalshöll, laugardaginn 11.apríl næstkomandi. Mótið hefst kl.10 um morguninn, en keppt verður í 29 einstaklingsflokkum, sveitakeppni í kumite karla og kvenna, auk hópkata karla og kvenna.  Þátttökuþjóðir eru 7, Danmörk, Eistland, Finnland, Ísland, Lettland, Noregur og Svíþjóð, keppendur eru 190 talsins og er Ísland með um 34 keppendur á mótinu í flest öllum keppnisflokkum.

Á meðal keppenda eru margir mjög sterkir einstaklingar sem hafa unnið til verðlauna á Heims- og/eða Evrópumeistaramótum, þar á meðal tveir núverandi Evrópumeistarar.

Jonas Friss-Pedersen, Danmörk, Evrópumeistari í kumite junior -68kg

Madeleine Lindstöm, Svíþjóð, Evrópumeistari í kumite cadet +54kg

Casper Lidegaard, Danmörk, Silfur á HM 2014 í kumite -60kg

Gitte Brunstad, Noregur, Silfur á HM 2014 í kumite -68kg

Katrine Lionett Pederen, Silfur á EMU21 2015 í kumite -68kg

Li Lirisman, Eistland, Brons á EMU18 2015 í kumite -53kg
Helena Kuusisto, Brons á EM 2015, kumite +68kg

Þar sem keppnisflokkarnir eru þetta margir, verða flest öll úrslit kláruð jafnt og þétt yfir daginn en 8 stærstu flokkarnir verða samt kláraðir í sérstökum úrslitum, svo kallað “Super Finals” sem hefjast kl. 16:00, strax á eftir setningu mótsins.

Dagskrá:

Kl.10:00  Keppni hefst á 3 völlum samtímis.