banner

Kristján Helgi þrefaldur íslandsmeistari annað árið í röð

Í dag fór íslandsmeistaramót fullorðinna í kumite fram í Fylkisselinu, húsnæði Karatedeildar Fylkis.  Keppendur frá 7 félögum voru skráðir til leiks og var þátttakan góð.  Fjöldi mjög skemmtilegra viðeigna áttu sér stað en maður mótsins var án efa Kristján Helgi Carrasco, úr Víking, sem varð þrefaldur Íslandsmeistari annað árið í röð.  Kristján helgi vann -75kg flokkinn, opna flokk karla og var í sveita Víkings sem sigraði sveitakeppni karla, enda fór Kristján Helgi ósigraður frá öllum sínum viðureignum.  Þetta er annað árið í röð sem Kristján verður þrefaldur íslandsmeistari og sannar það stöðu hans meðal íslenskra karatemanna.  Telma Rut Frímannsdóttir varð svo tvöfaldur íslandsmeistari þegar hún vann bæði opna flokk kvenna fjórða árið í röð og +61kg flokkinn.  Í kumite kvenna +61kg flokki varð Isabella Montazeri íslandsmeistari en í -67kg flokki karla vann Sindri Pétursson, Víking, Heiðar Benediktsson, Breiðablik, í mjög snarpri og fjörugri viðureign.  Pétur Rafn Bryde vann +84kg flokkinn þriðja árið í röð þegar hann mætti margföldum íslandsmeistara fyrri ára, Jóni Inga Þorvaldssyni, Þórshamri, sem ákvað að keppa aftur eftir 8 ár, var viðureign þeirra bráðskemmtileg þar sem þeir félagar skiptust á að skora en þegar uppi var staðið sigraði Pétur 5-3.  í +84kg flokki sigraði Björn Diego Valencia, þriðja árið í röð en hann ásamt Kristjáni Helga og Pétri Rafn skipuðu vinningssveit Víkings sem vann sveitakeppni karla.   Þegar stigin voru svo lögð saman eftir daginn þá stóð Víkingur uppi sem Íslandsmeistari félaga í kumite fullorðinna, þriðja árið í röð, með 29 stig.  Yfirdómari mótsins var Helgi Jóhannesson og mótsstjóri Agnar B. Helgason.

Helstu úrslit

Kumite kvenna, -61 kg.                           
1.   Isabella Montazeri                     Víkingur
2.   Ingibjörg Halldórsdóttir               KFR
3.   María Helga Guðmundsdóttir      Þórshamar

Kumite kvenna, +61 kg                            
1.   Telma Rut Frímannsdóttir           Afturelding
2.   Aðalheiður Rósa Harðardóttir      Breiðablik
3.   Helena Montazeri                      Vikingur

Kumite kvenna, opinn flokkur
1.   Telma Rut Frímannsdóttir           Afturelding
2.   Helena Montazeri                      Víkingur
3.   Ingibjörg Halldórsdóttir               KFR

Kumite karla, -67 kg                                 
1.   Sindri Péturson                       Víkingur
2.   Heiðar Benediktsson               Breiðablik
3.   Elías Guðni  Guðnason            Fylkir
3.   Ólafur E Árnason                    Fylkir

Kumite karla, -75 kg                                 
1.   Kristján H Carrasco               Víkingur
2.   Davíð Freyr Guðjónsson         Breiðablik
3.   Sverrir Ólafur Torfason           Víkingur

Kumite karla, -84 kg                                 
1.   Pétur Rafn Bryde                  Víkingur
2.   Jón Ingi Þorvaldsson             Þórshamar
3.   Jóhannes Gauti ‘Ottarsson     Fylkir
3.   Kristján Ó Davíðsson             Haukar

Kumite karla, +84 kg
1.   Diego Björn Valencia             Víkingur
2.   Bergþór Vikar Geirsson         Fylkir
3.   Hákon I Haraldsson              Haukar

Kumite karla, opinn flokkur
1.   Kristján Helgi Carasco          Víkingur
2.   Jóhannes Gauti Óttarsson    Fylkir
3.   Kristján Ó Davíðsson           Haukar
3.   Diego Björn Valencia           Víkingur

Liðakeppni karla                                        
1.   Víkingur                      Kristján, Pétur, Diego
2.   Fylkir                         Eggert, Jóhannes, Elías, Bergþór
3.   Haukar                      Kristján, Hákon, Helgi                         

Heildarstig                                                   
Víkingur                29
Fylkir                     11
Breiðablik              6
UMFA                     6
Haukar                   5
KFR                        3
Þórshamar             3

KAI_IM_kumite_fullordinna_2013_islandsmeistarar

Á meðfylgjandi myndum má sjá íslandsmeistara dagsins, frá vinstri Pétur Rafn, Diego Björn, Kristján Helgi, Sindri, Telma Rut og Isabella.


Lokað fyrir athugasemdir.

About Helgi Jóhannesson