Tveir keppendur á Evrópumótið Undir 21 árs

Á föstudaginn, 7.febrúar, byrjar Evrópumeistaramót unglinga og undir 21árs í karate, en mótið fer fram í Lisbon Portúgal, mótið stendur yfir 7-9.febrúar. Ísland sendir tvo keppendur á mótið sem bæði keppa í undir 21árs flokkum, þau eru Kristján Helgi Carrasco, Víking, og Svana Katla Þorsteinsdóttir, Breiðablik.  Svana Katla byrjar keppni strax á föstudaginn en hún keppir í kata, Kristján Helgi mun hins vegar keppa á sunnudaginn í kumite. Þetta er fyrsta undir 21árs Evrópumótið hjá þeim báðum, en áður hafði Svana keppt á Heimsmeistaramóti fullorðinna 2012 í hópkata.  Kristján Helgi keppti á Evrópumeistaramóti fullorðinna í Ungverjalandi í fyrra og á Heimsmeistaramóti undir 21árs á Spáni í nóvember síðastliðnum, þar sem hann komst í 2 umferð eftir góðan sigur á andstæðingi sínum frá Katar.