banner

28. Karateþing

28. Karateþing var haldið laugardaginn 28. febrúar síðastliðinn. Svo skemmtilega vildi til að það bar upp á 30 ára afmæli sambandsins sem var stofnað 28. febrúar 1985.
Hafsteinn Pálsson, úr framkvæmdastjórn ÍSÍ og Líney Halldórsdóttir, framkvæmdastjóri ÍSÍ, voru gestir á þinginu.

Ekki var um átakaþing að ræða en mest umræða fór í Afreksstefnu sambandsins og um undirbúning og framkvæmd á Norðurlandameistaramótinu í karate sem verður haldið hér á landi laugardaginn 11. apríl næstkomandi.

Reinharð Reinharðsson var endurkjörinn formaður sambandsins í áttunda sinn en tveir nýir stjórnarmenn voru kosnir á þinginu, þær María Jensen, Karatedeild Fjölnis og Jacquline Becker, Karatedeild Fylkis. Einnig var einn nýr varamaður valinn í varastjórn, Rut Guðbrandsdóttir, frá Karatefélagi Akureyrar. Hafa þvi aldrei í 30 ára sögu sambandsins verið fleiri konur í stjórn og varastjórn þess.


Lokað fyrir athugasemdir.

About Reinhard Reinhardsson